Aths við : Hjólafólk á beinið... Kaupmannahöfn

Fann þessa frétt í gegnum vefnum samgongur.is .

Annarsvegar er greinilegt að hjólreiðamenn í Kaupmannhöfn þurfa að taka sér á, en hinsvegar dreg ég mjög í efa að þessi frétt  gefi rétta mynd.  Hversu margir eru drepnir  vegna slæmra hegðunar hjólreiðamanna í umferðinni í Kaupmannahöfn ár hvert ?  Ég er nokkuð viss um að þeir séu vart teljandi.  Og hversu margir eru drepnir eða alvarlega slasaðir vegna slæmrar hegðunar bílstjóra ?  Margfalt  fleiri, þótt tala bíla og reiðhjóla ku vera sambærileg í umferðinni í Kaupmannahöfn. 

Aftur,  auðvitað þurfa hjólreiðamenn að taka sér á og lúta umferðarreglum. Að halda námskeið fyrir fullorðna um hvernig hjóla í umferðinni getur verið ein leið.  European Cyclists'  Federation mælir með þessu og stendur að átaki í þessum efnum.  Landssamtök hjólreiðamanna hefur fengið styrk úr pokasjóði til að halda fyrsta námskeiðið í haust. 

Ef til dæmis vantar að opna fyrir umferð til dæmis gegn einstefnu, þá eiga þeir að þrýsta á duglega um að það sé gert.  Að opna götur fyrir hjólreiðar gegn einstefnu hefur gefið mjög góða raun allsstaðar sem ég hef frétt af, sérstaklega í Brüssel, þar sem mikið er um þröngar einstefnugötur. 

En sem sagt fréttin og almennt úrval frétta um hjólreiðar sé ansi skakkur miðað við gagnið sem hjólreiðar gerir okkur öllum, og miðað við hvernig er fjallað um bíla, nýja og gamla og aksturs"íþróttir". Ofan á þessu bætist auglýsingaflóðið um bílar.   

Til dæmis get ég ekki séð að neinn miðill á Íslandi hefur fjallað um að Parísarborg nánast gefa íbúa og gesti hjól til afnota. Á sunnudagm daginn eftir þjóðhátiíðardag Frakka var  opnuð sérstakt kerfi með stöðva sem halda þúsundir reiðhjóla. Stefnt er að því að hafa eitt hjól á þúsund íbúa, fleiri en 20.000 hjól að ég held.

Hér eru greinar úr erlendum blöðum / netmiðlum : 1  2

Sem sagt varðandi fréttaval fjölmiðla: Something is rotten in the state of ( nei ekki Denmark) Rúv, Morgunblaðið, Vísir / Fréttablaðið / 365 miðlar, Blaðið.  Kjörorðið virðist ekki vera  að segja frá því sem skiptir máli, eða gæti upplýst fólki um heiminn, heldur segja "fréttir" sem ýta undir því sem fólkið trúir eða veit nú þegar og ekki síst því sem fyndnari reynist.

 

Hér er loksins fréttin  :-)

 

Vefur Ríkisútvarpsins, www.ruv.is | 15.07.2007

Kaupmannahöfn: Hjólafólk á beinið

Kaupmannahafnarlögreglan hefur skorið upp herör gegn hjólreiðamönnum ekki síst til að tryggja öryggi erlendra ferðamanna í borginni.

Lögreglan segir fullkomið stjórnleysi ríkja meðal hjólreiðamanna á götum borgarinnar. Í gærmorgun hafði lögreglan á fjórum dögum sektað 678 hjólareiðamenn, helmingur eða 323 hjólaði yfir á rauðu ljósi, 46 hjóluðu á móti einstefnu, 61 hjólaði á gangstétt og 83 hjóluðu þar sem innakstur var bannaður. Sektin nemur 5.500 íslenskum krónum.

Ole Kahr hjá umferðarlögreglunni hristir hausinn yfir ómenningu danskra hjólreiðamanna. Hann segir ekki erfitt að hafa hendur í hári þeirra, það sé nóg að ganga út á götuhorn og byrja að sekta. Hann segir Kaupmannahafnarbúa sjálfa vana tillitsleysi hjólreiðamanna en það séu erlendir ferðamenn í borginni ekki.

Lögreglan sé því í og með að tryggja öryggi ferðamanna sem gái ekki að sér og verði fyrir hjóli. Lögreglan hefur meðal annars hugleitt möguleikann á hjólandi lögregluþjónum til að bæta umferðarmenninguna þó svo sektir geri alltaf sitt gagn.
92 hjólreiðamenn slösuðust alvarlega í umferðinni í Kaupmannahöfn í fyrra en alls leggja hjólandi Kaupmannahafnarbúar að baki 1,1 miljón kílómetra á dag. Helmingi þeirra stendur ógn af öðrum hjólreiðamönnum.

Orðrétt heimild: Frétt á vef Ríkisútvarpsins, www.ruv.is

Ein athugasemd í viðbót : Oft er tölfræði um slys á hjólreiðamönnum villandi, því allt önnur dreifing er á slysunum en hjá bílstjórum, farþegum og þeim sem verða fyrir bíl.  Hlutfall minniháttar meiðsl, sem skrámar til dæmis, vega  mun þyngra hlutfallslega meðal  "slysa"  á hjólreiðamönnum.  Þannig að þessi tölfræði þyrfta að skoða nánar til að geta metið. 

En að sjálfsögðu ættum við flest að bæta ráð okkar í umferðinni. En það gerist varla með því að benda á sökudólga.  Segjum frekar eins og sagt er stundum í Bandaríkjunum :   Share the road !