Óþarfi að benda ökumönnum á ábyrgð sína ?

Í athugasemd við blogg um fréttina kom fram að bílinn hefði ekið á stúlkuna.  Getur alveg eins verið satt og það sem kemur fram í fréttinni. Óháð því er skringilegt hvernig löggan bendir börnum á ábyrgð sína en ekki fullorðnum bílstjórum.  Loks eru þessar ítrekaðar ábendingar um hjálma  fallnar til þess að  gefa fólk  ranghugmyndir um að hjólreiðar séu hættulegar.  Það er ekki mikill munur á hættu á milli fótgangandi, hjólandi og akandi, reiknað á klukkustund, í tölfræðinni sem ég hef séð.  Það sem þarf til að bæta öryggi vegfarenda er fyrst og fremst árvekni  bílstjóra, að þeir aka miðað við aðstæður, og hraði í þéttbýli minnki almennt.  Allir sem vit hafa á vita þetta.

Það er aðför að lýðheilsu þegar stöðugt er verið að tala niður ábyrgð bílstjóra og varpa yfir á gangandi og hjólandi.   Enn og aftur minni ég á að hjólreiðamenn lífa lengur en þeir sem hjóla ekki (t.d. Lars Bo Andersen, 2000), þannig að mjög hættulegt er það varla ?

Ganga og hjólreiðar hafa mjög margt jákvætt í för með sér sem furðu oft virðist gleymast, eða þá menn eru ekki að átta sér á hversu sterk og jákvæð til dæmis áhrif á heilsu, mengun og borgarbrag séu. Hjólreiðar eru oft skemmtilegra og gefur enn betri líkamsrækt en ganga.   Ef við gefum fólki ranghugmyndir um að það sé svo hættulegt að hjóla, munu fólk kannski ekki ganga, heldur keyra bíl. 

 

 

Barn hjólaði á bifreið á Selfossi