Meirihluti og minnihluti í borgarstjórn takast á í Hjólað í vinnuna

 Ég las þær frábærar fréttir á bloggi Dofra að meirihlutin í borgarstjórn hafa tekið áskorunina sem minnihlutinn kom með fyrir helgi.  Nú verður fjör  !

 

Skelli í framhaldinu hér inn texti úr bloggi Landssamtaka hjólreiðamanna :

Í dag var opnun í hvatningarátakinu  "Hjólað í vinnuna".  Ekki var stuðningurinn í verra kantinum, því þarna voru mætt  forseti ÍSI,  Ólafur Rafnsson, borgarstjóri, Ólafur F. Magnússon og ekki færri  en þrír ráðherrar.  Ráðherrarnir voru Guðlaugur Þór Þórðarson, heilbrigðisráðherra, Þórunn Sveinbjarnardóttir, umhverfisráðherra, og Kristján Möller, samgönguráðherra. Þá var forstjóri Alcan, Rannveig Rist mætt, en Alcan hefur tví-sigrað í sínum flokki öll undanfarin 4 ár ( eða eins lengi og núverandi flokkun hefur verið í gangi )

Öll  komu og fóru ráðherrarnir  hjólandi, heilbrigðisráðherra í fylgd með Dofra Hermannssyni  úr Grafarvoginum, og samgönguráðherra úr Kópavogi. Kristján játaði að hafa óttast að ekki finna leiðina og fór því eldsnemma af stað, en þetta var mun minna mál en hann óttaðist.

Og öll fóru þau fögrum orðum um hjólað í vinnuna, og hversu jákvæðar hjólreiðar séu fyrir heilsu, umhverfi, borgarbrag og samgöngum.  Það kom það til tals að á næstu ári ætti kannski fjármálaráðherra að mæta líka, því mikið bensín ( þið munið viðskiptahallan) og kostnaður við rekstur bíl sparast í átakinu, og ávallt þegar menn velja að ferðast fyrir eigin afli "frekar en aðkeyptu", eins og samgönguráðherra komst að orði.

Umhverfisráðherra hvatti fyrirtæki til þess að athuga að færa sér frá bílstyrkjum yfir á samgöngustyrkjum, og þannig nota hagræna hvati til þess að stuðla að heilbrigði, umhverfisvernd, sparnaði og fleira. Hún benti á að sum fyrirtæki og sumir  stofnanir hafa þegar stigið fyrstu skrefin í þessa veru.