Réttindi / Aumingja hjólreiðamenn 4

Á vef Landssamtaka hjólreiðamanna birtist frábært grein Árna Davíðssonar, formanns um dóm sem féll í Lundi gegng hjólreiðamanni sem dirfðist að hjóla á venjulegri götu. Og dæmt var bílstjóranum sem ók á honum í vil.  Enn eitt dæmið um réttindabrot gegn hjólreiðamönnum. Ég get ekki séð annað.  Jafnvel þótt öll málsatvik séu ekki skýr.

http://www.lhm.is/lhm/pistlar/580-domur-i-lundi

Athugasemdir

[Jón Pétur Líndal, 16.11.2010 kl. 12:29]

Sæll Morten og takk fyrir ábendinguna.  Ég bendi á nokkur blogg sem ég hef skrifað um að byggja yfir reiðhjólastíga og skilja hjólandi umferð frá bílaumferð til að gera hjólreiðar að öruggum og þægilegum ferðamáta.  Það er að mínu mati eina vitið.  Hef líka sett inn hugmynd um þetta á skuggaborg.is

[Morten Lange, 17.11.2010 kl. 13:47]

Sæll Jón Pétur,

Gott að heyra að þú tali fyri að auka veg hjólreiða til samgangna.

Við hjá Landssamtökum hjólreiðamanna, auk fólki hjá European Cyclists' Federation, auk margra annarra, til dæmis í stólum borgarfulltrúa, erum frekar á því að lækka umferðarhraða bíla í þéttbýli. Gera umferðin og þannig hin mismunandi hverfi/þorp manneskjulegra. Ávinningurinn er margfaldur þar sem svona hefur verið staðið að verkum !

Við hjá LHM, ÍFHK höfum myndað verkefni sem heitir Hjólafærni og gengur út á að kynna fyri börnum og fullorðnum að hjólreiðar eftir götum sé bara nokkuð örugt,  þægilegt og skilvirkt þar sem umferðarhraði og umferðarmagn eru hófleg.  En auðvitað er mikilvægt að vera með hjólreiðabrautir sem valkost við stofnbrautirnar, sem eru eingungis hannaðir með  bílaumferð í huga.

[Jón Pétur Líndal, 18.11.2010 kl. 01:03]

Sæll Morten.  Við erum alveg sammála um að hjólreiðar eru góður og skynsamlegur ferðamáti.  En ég verð að viðurkenna að ég er ósammála flestum sjónarmiðum sem ég sé um hjólreiðar.  Ekki að það sé illa meint af minni hálfu en ég sé bara ekki að það gangi að blanda ólíkri umferð mikið saman.  Mér finnst reiðhjól og gangandi umferð kannski geta notast við sama umferðarkerfi að talsverðu leyti og mér finnst bílar og mótorhjól geta notast við sama umferðarkerfi.  Mér finnst umferð hestamanna ekki eiga neina samleið með annarri umferð.  Ástæðan fyrir því að ég vil ekki blanda hjólreiðum saman við umferð bíla og mótorhjóla er margvísleg.  Hjólreiðar tefja fyrir annarri umferð ef hægt er á henni til að samræma umferðarhraðann og í vondum veðurskilyrðum finnst mér stórhættulegt að blanda þessu saman.  Þess vegna vil ég fara allt aðrar leiðir í þessu.  Ég vil að hjólreiðar í þéttbýli séu gerðar að þægilegum umferðarmáta með því að byggja yfir hjólastígana og skilja hjólreiðar alveg frá bílaumferð.  Þá fyrst verða hjólreiðarnar öruggar og þægilegar, svo þægilegar að fólk fari að líta á þær sem alvöru valkost við bílinn. 

[Árni Davíðsson, 18.11.2010 kl. 10:02]

Mér finnst hugmyndin um yfirbyggða hjólreiðastíga ekki vera fyllilega raunhæf Jón. Ertu með útfærslu á þessari hönnun og hugmyndir um kostnað  og hvaða leiðir ættu að vera með yfirbyggingu?

Umferð hjólandi og akandi getur vel farið saman. Á flestum götum er lítil umferð og það eru engin teljandi vandkvæði á því að hjóla á þeim götum. Vandi skapast fyrst og fremst vegna þess að höfuðborgarsvæðið er eins og eyjaálfa skorinn í sundur af stofnbrautum og því þarf sérstakar lausnir til að koma gangandi og hjólandi yfir stórfljótin og samsíða stofnbrautunum.

Þú ert velkominn í hjólaferð með okkur á laugardagsmorgnum kl. 10:15 frá Hlemmi. Það verður ferð næsta laugardag 20. nóvember og aftur 27. nóvember ef þú vilt smella þér með. Nánari upplýsingar www.lhm.is og www.ifhk.is.

[Jón Pétur Líndal, 18.11.2010 kl. 21:22]

Sæll Árni. Ég er ekki með útfærslu á yfirbyggðum hjólastígum. Það er verðugt verkefni fyrir arkitekta og verkfræðinga að velta fyrir sér útfærslu. Ég veit að það kostar auðvitað mikið að byggja yfir hjólastíga, en ef þetta er vel útfært þá getur ávinningurinn líka orðið mikill. Ef hægt væri að fækka einkabílum á höfuðborgarsvæðinu um ca. 10 þús. með aukinni hjólamennsku þá sparast um 5-10 milljarðar á ári í rekstrarkostnaði þessara einkabíla, auk þess að útblástursmengun minnkar, gatnaviðhald minnkar og umferðin verður greiðari fyrir þá sem halda áfram að nota bíla. Og ekki má gleyma því að hjólreiðar eru góðar fyrir heilsuna og heilbrigðiskerfið. Þannig að ávinningurinn er margvíslegur. Þess vegna finnst mér vel verjandi að skoða þetta í fullri alvöru. Lykillinn að því að gera hjólreiðar að góðum samgöngukosti er að gera þær þægilegar, eða það tel ég allavega. Bíllinn er óneitanlega þægilegur ferðamáti. Ef fólk væri jafn öruggt og vel varið á reiðhjólum þá væru sennilega allir á þeim. Með því að byggja yfir hjólastígana og kannski minnka aðeins hæðarmun í leiðinni þá er hægt að gera hjólreiðarnar miklu þægilegri en þær eru í dag, kannski nógu þægilegar og öruggar til að verða alvöru valkostur við bílinn.

[Árni Davíðsson, 19.11.2010 kl. 11:31]

Ég held það sé ekki hagkvæmt að reisa mikið af yfirbyggðum hjólaleiðum. Landssamtök hjólreiðamanna (LHM) hafa ekki óskað eftir því. LHM telja önnur mál miklu mikilvægari sjá stefnumál LHM. Hjólreiðar eru ágætlega þægilegar á Íslandi þótt það sé misjafnt eftir bæ, hverfi og leið sem hjóluð er og alltaf megi gera betur sbr. stefnumálin.

Það má auðvitað ekki segja það en kannski er skynsamlegast að auka kostnaðarvitund með notkun einkabíla og jafna aðstöðumun samgöngumáta að öðru leyti til að gera hjólreiðar, göngu og almenningssamgöngur þægilegri í samanburði við einkabílinn

[Bragi Freyr Gunnarsson (IP-tala skráð) 6.12.2010 kl. 12:38]

Þessi umræða er líklega dauð, en það er alveg augljóst að Jón Pétur Líndal er ekki vanur að hjóla leiðar sinnar.  Hugmyndir um yfirbyggðar hjólaleiðir eru í besta falli fallnar til þess að draga úr framkvæmdum við hjólreiðamannvirki. 

Svo vil ég taka undir með síðuhaldara og Á.D. að í langflestum tilvikum er alger óþarfi að reisa sértstök mannvirki fyrir reiðhjól.  "Bike & chevron" merkingar væri oftast nóg, og í raun stórundarlegt að það sé ekki búið að klína svoleiðs á allar götur með hámarkshraða undir 60.

Bragi

[Jón Pétur Líndal, 6.12.2010 kl. 13:38]

Nei Bragi, umræðan er ekki alveg dauð. Það er rétt hjá þér að ég er ekki vanur að hjóla mikið. En ég er hissa á hvað menn eru hræddir við að ræða um yfirbyggða hjólastíga. Hefði haldið að það væri verðugt verkefni fyrir t.d. verðandi verkfræðinga eða skipulagsfræðinga að gera faglega úttekt á þessu. T.d. í tengslum við lokaverkefni í háskólanámi. Ég er ekki að tala um að rjúka í þetta einhvern veginn út í bláinn eins og stundum er gert á Íslandi. En mér finnst vel þess virði að skoða málið faglega, reikna dæmið almennilega út svo það sé hægt að ræða þetta af einhverju viti. Það skiptir engu máli þó þetta sé ekki margreynt einhvers staðar annars staðar. Það er allt í lagi að vera á undan öðrum með góðar hugmyndir. Og síðan ég skrifaði athugasemd um þetta síðast hefur bensín og olía hækkað um ca. 10 kr. líterinn þannig að þetta verður bara álitlegri hugmynd með hverjum mánuðinum sem líður.