Mesta fjölgun utan trúfélaga

Í frétt MBL sem þessi færsla er tengd við kemur fram að sá hópur sem stækkar mest er "utan trúfélaga".  Mér fyndist eðlilegt að segja frá því í fyrirsögn fréttarinnar.

Þessi staðreynd ætti kannski  að ýta undir að menn fara að skoða það sjálfsagða réttlætismál að lífsskoðunarfélög  sem hafa fest sér í sessi fái sömu réttindi og skráð trúfélög.  En svo er ekki og er það ein ástæða til að spyrja sig hvort fullkomið trúfrelsi ríki á Íslandi.

Siðmennt er dæmi um lífsskoðunarfélag sem eru hluti af stórri hreyfingu í fleirum löndum, giftir fólk og fermir. Síðmennt leggir mikil áhersla á siðferði, eins og til dæmis kemur fram í fermingafræðslu þeirra.  En á meðan trúfélög fá styrk sem samsvara sóknargjald til þjóðkirkjunnar og full réttindi á ýmsum sviðum á við þjóðkirkjuna, er Siðmennt meinað þessu, á grundvelli þess að ekki sé um trú á yfirnáttúruleg öfl eða líf eftir dauða að ræða.

Er það samfélaginu til sóma að trú á yfirnáttúruleg öfl og líf eftir dauða séu talin betri grunnur fyrir lífsviðhorf  og siðferði en samfélag manna,  og aðferðir vísindanna ? 

0,9% þjóðarinnar skiptu um trúfélag árið 2007

Athugasemdir

[Brjánn Guðjónsson, 26.2.2008 kl. 13:45]

meira en helmingur er skráning úr þjóðkirkjunni, án skráningar í annað trúfélag. svo kalla þeir það að 'skipta um' trúfélag. blaðamennirnir ættu að læra íslensku.

[Morten Lange, 26.2.2008 kl. 17:17]

Fjölgun í Siðmennt á árinu var  79 manns, sem er litlu minna en hjá Búddistafélaginu, og  42% fjölgun á félagsmönnum. 

Systirfélag Siðmenntar í Noregi hefur rúmlega 77.000 meðlimi, sem mundi samsvara  um 5130 manns hér.

[Hildigunnur Rúnarsdóttir, 27.2.2008 kl. 09:20]

Svolítið fyndin innsláttarvilla hjá þér, vantar stafinn k í fólk. Nema Siðmennt gifti bara og fermi eintóm fól...

Annars fín grein, sammála, þó ég sé nú bara utan trúfélaga og heldur ekki í Siðmennt.

[Morten Lange, 29.2.2008 kl. 10:57]

Takk fyrir ábendinguna Hildigunnur :-)